السلام علاكم ورحمة الله وبركاته
اخواني الاعزاء تحية طيبه وبعد
شنونكم اخباركم وعلومكم
كل ما اكتب بلوق اعتذر عن الانقطاعه وكل شوي انا 
اسف وحالتي حاله
بيجيكم العلم الوكاد يالربع تراني ما ادخل السبيس الا بمزاج يعني مو راعي سبيس وسفيس وخرابيط
المهم مدري وش كنت بقول
وكالعاده صنهات في بلاد السنغال في مغامراته الجديده والشيقه
يأتيكم بقصة ابو لهب وابو جهل وعهد الفراعنه الملئ
بالنشاط والحيويه وغلاء المهور وارتفاع النفط
والرز البسمتي ومكرونة ابو ملعقه وشوكه < سوالف
ليل لاتواخذوني
انت يالي تقرا البلوق تعوذ من ابليس وروقنا وصبلنا شاهي تراك راعي محل منت زائر عادي
نبي نقولكم سوالف الفراعنه القديمين وكيف يتنقلون بين
البلاد على البعارين والخيول الطائره والزاحفه وكيف
ان العلم يتطور وبعدين صارو يسافرون على سيارات
وبعدين اخترعو الطائرات المهم
وصلو اخيرا الى الصواريخ وماشابه ذلك
وبعدين فتحو عندنا الخطوط العربيه السعوديه
وفتحت خطوط ناس وطيران سما
وبعدين بنرجع للخيول والبغال والحمير والسامعين والحاضرين بكرامه
واخر شي نبي نرجع للبغال النفاثه وبعارين ابو جهل
هذي دورة الحياة المليئه بالخزعبلات
يعني بالعربي الله يذكر الخطوط السعوديه بالخير بعد المسخره الي اسمها
ناس وطيران سما
يعني بدايتهم مثل وجيههم نصب عيني عينك مافيه ضيافه الا فلوسك
قبل وجهك
تعديل حجز بمية ريال مدري بخمسين خدماتهم بالطياره ماباقي الا يحطون الحمام بفلوس !!!ـ
الغاء الحجز سلملي على القروش الي دفعتها مسخره بجد
الحين عندكم الصوره ذي
اذا المبلغ واضح وتقراه كم مكتوب على الساندويتش
عشان تدرون انها ساندويتش بحء وحئيئي لكم الصوره الثانيه
يمكن الصوره ذي مو واضحه بعد لكم الثالثه
هم بعد مو مصدقين عندكم الرابعه
يعني
عندكم السعر مكتوب بريال صح
تعرفون بكم يبيعيون هالسندويتشه البايخه
تخيلو يبيعونها بثمانيه ريال
النصب مو على كذا وبس
على المضيفات الي حاطينهم بالطياره مدري هم رووسيات مدري فرنسيات
المهم قلت ابغا شاهي قالت باربعه ريال ريال
قلت اوكي طلعت الصرف الريالات الي مدوشه على جيبي خمس ريالات وعطيتها اياها
المهم عدت الفلوس الاخمس ريالات والمبلغ اربعه ريال انا كني مو يمها قلت اوكي مضبوط قالت اوكي وراحت يعني عيني عينك تحسبني مبخششها
هي تعرف انوه زايد ريال بعد كنها ما انتبهت
انا ضحكت من قوي النصبه مادريت الا اللي قدامي ضاغط اللنبه الحمرا الي فوقه 
المهم وتجيه المضيفه قالت نعم طبعا كل كلامهم بالانقليزي بس انا مو فاضي اقعد اكتبلكم عنقليزي
اتاري ابو الشباب اشترى منها وعطاها مية ريال مامعاه صرف وحسابه هو وخويه 15 ريال
المفروض ترجعله 85 ريال
ام الشباب ماحصلت الا هالبدوى تنصب عليه المهم البدوى بلش بعمره بيكلمها ماقدر المهم جلس يكلمها بلغة الاشاره
انا من هالموقف فقعت ضحك بس الحمدلله محد بجنبي ولاكان جبت العيد
المهم ام الشباب المضيفه نصبت عليه ورجعتله 65 ريال خخخ
الحاجه الثانيه بنات اللذينا المضيفات تجلس تنكت بالميكرفون مع صحباتها بلغتهم العبريه مدري الفرنسيه مدري وش لغتهم الوكاد محد يفهم انا اشوف المضيفات يضحكون عرفت ان الي تتكلم بالمايكرفون متعشيه نكت !!!ـ
المهم كل هالخرابيط والكلام مو عشان اسب الخطوط وانصحكم بالابتعاد عنها بس انا اتمنى انهم يحسنون
مستوا الخدمه
بس انصحكم وهالله هالله بالسيارات كل واحد يضبط سيارته اذا بيسافر
عليكم بكفرات زبيريه وزيت عافيه يقولون يخلي السياره
مقرمشه من برى وحلوه ولذيذه من جوه !!!ـ
طيب ابغاكم تعطوني فرصه خمس دقيقتين من وقتكم عندي مشاركه
تسمحونلي ؟؟؟
والله كتبت قصيده صغنطوطه ائد كده وودي انكم
تسمعونها وتعطوني رأيكم اكملها ولا فاشله ؟
بسم الله عطني القرقفون ياغلام الفتى
هلت دموع العين بغيابك
تسألني رموشي شفيك ضايق
ماتدري اني شايل همومك
وبيني مع الايام حاجز وعايق
ننتظر بنشوف زاير طيوفك
يسرقنا الوقت وانا للوقت بايق
اجمل ايامي باقي علومك
لامرني ذكراك صرت بالحيل رايق
وسلآمتكم
تجيزوني اني اكون شاعر واشارك مع الخبول بشاعر المليون
اتمنى يكون موجود معانا الدكتور كيف مدري الدكتور غسان المهم هذا الي تحت الدبا ابو لغاليغ
مدري كنه يصفق شكل القصيده اعجبته !!!ـ
يالله عاد نشوفكم علىآ خيرٍ وفرصه سعيده
الى اللقاء في الحلقه القادمه مع مغامرات ماوكلي البطل المغوار
نراكم بإذن الله على كوكب اكشن 
Tools 
