اعزائي المشاهدين اسعد الله اوقاتكم بكل خير من القناة الاولى نحييكم اجمل تحيه

توضح صور الاقمار الصناعيه

موجه باردة من رياح جنوبيه غربيه تتوسط البلاد

 كتله من الرياح المحمله بالغبار والاتربه مع وجود كتل من السحب الركاميه الممطره والتي نسأل الله ان تكون امطار خير وبركه ويعم بنفعها ارجاء البلاد

مع  احلى الاماني

حسن كراني

فاصل اعلاني

بايسن كلك كلك حركات

============================ 

بعد الفاصل والله يانا تعبت اكتب من هالبلوقات وامسح واخربط واتفرنك وتعبي يروح باخر شي هبائن منثورا

موضوع قابل للنقاش كلن يسأل يقول كنا نحسبك بنت وباخر شي تطلعلنا ولد شلون تجي هالسالفه

اللوك حق سبيسك  بناتي مستغربين

 ولد وعنده ذوق اولن نبدا بالمواصفات الخلقيه

عبد

قزم

احول

لون العيون كستنائي فاتح < لاتدققون

الموطن : جيبوتي الاغريقيه

بس مزاجي حلو مع ان الموصفات فل اوبشن فتحة سقف وونش وهزاز ومانع انقلاب خخخخخخ

فاصل اعلاني عشان بندخل بموضوع ثاني *_^

دروش ملابس رجاليه قطنيه 100%100

==========================

عدنا

الحاله الاجتماعيه اعزب ولدي ثلاث بنات ولله الحمد < ؟

مو هذي سالفتنا بقولكم سالفة قراده مع حظ صارتلي امس

كان يامكان في حديث الزمان وسوالف ابو سبيل وام غزلان

دخلت المحكمه عندي اوراق بخلصها

كنت مستعجل والاوراق ذي ماتاخذ وقت فلقيت موقف سيارات ممنوع قلت مو مشكله بوقف هنا لاني بخلص ورقتي بسرعه وبطلع

دخلت عند الشيخ شاف الاوراق ووقعها وطلعت للموقف نفسه وقفت مكان سيارتي الا المكان خالي ياولد عدل بدل يمكني احلم انا موقف سيارتي هنا وين راحت يؤ وانا واقف واحك شعري وتتساقط بعض القملات مرت سيارة المرور  اشرت له ووقف السلام عليكم

وعليكم السلام

اخوي اذكر سيارتي هنا وين اختفت؟

كم رقم لوحة سيارتك ؟

رقمها تسذا وتسذا

ايه اخوي لونها فضي صح ؟ راجعنا بالمرور لانها انسحبت للحجز ؟

هيه يابو تمزح   

مالها داعي  الساعه 12.30 الظهر والشمس فوق راسي يعني اوقف واطقها تأشيره احد يوصلني للمرور خخخ

بسم الله وانا اتلطم واطلع من البوابه واشوف ذيك السياره متجهه لمي توني مارفعت يدي ولا أشرت وقف عندي والحظ طلع اخوي خخخخ

شعندك ووين سيارتك قلت سحبوها للحجز قال وش انت مسوي قلت  مفحط داخل المجمع شعندي بعد واقفن غلط وسحبوها

اركب اركب

خخخخ بيوديني البيت ابو الشباب

وهو بالطريق مرينا من عند مركز المرور قلت وقف وقف وقف نزلني هنا يوقف ابو الشباب

نزلت كانت الساعه 12.42 يعني بين الاذان والاقامه دخلت داخل المرور لقيت عسكري بيده اوراق يفرزهم سلمت مارد علي السلام قال

شعندك

قلت اخوي ابي استفسر ممكن

يناظرني يطرف عين العسكري بعد الصلاة بعد الصلاة

اخوي سئوال بس

بعد الصلاة بعد الصلاة

هيه يابو الاجابه بعد الصلاة ليش بتتصل بصديق ولا تبي مساعدة الجمهور

اخوي قلتلك الصلاة اهم يالله رح صل

واناظرله وانا منقهر وقافله معي من الحراره والموقف الي ماله داعي

يابو مادام الصلاة اهم ليش ماترمي الاوراق الي بيدك وتنقلع تصلي بدال بربرتك الي مالها سنع والله يمديك على كل الكلام مجاوبن علي ومخلص

المشكله اني بسأله وين قسم السير بس

الشرهه مو عليك على الي بسألك انت وجهك انت واخلاقك الزفت وانا اطلع من المكتب وكان ببالي انه بيلحقني وبيسطرني خخخخ

المهم رحت المسجد اصلي بعد الصلاة طلعت وانا البس نعولي والسامعين بكرامه واحدن يضرب كتفي التفتت عليه طلع نسيبنا  بسم الله شعندك بذا واناظر الا معه بنته الصغيره قال انت الي شعندك هنا

قلت السالفه هيك وهيك وهيك قال اركب بروح البيت برمي البنت على امها ونرجع انا وياك نخلص اوراقك

يابو صالح كلها ورقه بوقعها وبستلم ورقة الحجز بعد ما ادفع مية ريال وبعدها اروح الحجز واستلم سيارتي وانتهت السالفه انت اذا بتروح الله معك ترا الشغلانه بسيطه

ناظرلي قال السياره باسمك عشان تستلمها ؟

قلت لا باسم الوالد ( الله يرحمه )؟

قال اجل خلني اتفاهم بالموضوع عشان اطلع سيارتك قلت طيب وركبت معوه

نزل بنته ورجعنا انا وياه دخلنا القسم ويتجه للمبنى الاول ابو صالح قسم السير بالمبنى الثاني قال تعال فيه واحد بسلم عليه من زمان عنه وبعدها نشوف اوراقك

طيب الشكوى لله مسوي عمليه برجلي ويالله امشي  لاتخليني اخذ مساحة مبناهم برجلي

ضحك وقال تعال يبن الحلال على هونك شوي شوي انا معك

قلت مشينا

وانا اترنح بالمشي

يخلي المكتب الاول والثاني ويطلع السلم ويوقف عند مكتب المدير

ابي اقابل العميد فلان فلان الفلاني

يناظرالعسكري بطرف عين لنسيبي ومن اقوله طيب ؟

قال قله فلان فلان الفلاني وينتفظ العسكري طيب طيب ابشر ابشر استرح هو بالمسجد الحين يجي استريح طال عمرك خخخخخ العسكري بلع العافيه 

ما امداه قال استريحو الا هذا المدير جا من الصلاة يناظر هلاااااااااااا ابو صااااااااالح يالله حيه

الله يبقيه

<<<< يتحشر بين نسيبه والمدير يبي يضبط علاقه خخخخخخخخ وامد يدي واسلم علي العميد

كيف  الحال والاخبار وساعه وانا حاطن يدي تحت خدي سوالف وضحك وانا بالعربي كنت مواصل ثلاث واربعين ساعه مانمت وابي انام كل شوي تطيح يدي من تحت خدي وارفعها وكني اللعب بخدي ارقع السالفه ولا رايح فيها

ابو فلان سم يابو صالح

والله هذا من جماعتي وبالعربي كأنه وقف غلط عند المحكمه وسحبو سيارته للحجز ويبغا يطلعها بس فيه مشكله

وشو المشكله؟

سيارته باسم ابوه ناظرله العميد وشو المشكله يجي ابوه ويستلم السياره

قال ابوه يطلبك الحل

سكت العميد ويقعد يناظرلي قال طيب ويرفع السماعه ويتصل على ملازم اول مدير شعبة السير قال بيجيك واحد اسمه فلان الفلاني خلص اوراقه

انا بيني وبين نفسي اضحك متقطع من الوناسه خخخخخخ

سلمنا عليه وجينا بنطلع قال نسيبي للعميد هذا تراه ولد الفلان صاحب مجموعة مستشفيات كذا وكذا

ناظرلي مو مصدق العميد قال انت صاحبهم قلت ايه

قال ماعرفتنا عليك من اول قلت بقلبي لا ياشيخ لاتتمصلح خخخخ

عاد اهو عقليه اداريه محنكه ما صار مدير مرور المنطقه الا وهو يستاهل انه يمسك المكان

قالي فلان قلت سم قال وش سر نجاح الشركه؟

سكتت ولا انا اعرف بس ابغا اعرف الي عنده

الاجابه هي الاداره الناجحه

غير كذا الافراد العاملين والقائمين على حيوية المكان والانتاج المباشر الي يلائم المستهلك

قام يعطيني بعض النصائح الابويه انا حطيت راسي بالارض ووقفت اسمعله

طلعت من عنده خلصت اوراقي بقسم السير اعطوني ورقه اروح فيها للحجز واستلم السياره وكاتبين تسلم السياره لفلان الفلاني

يعني انا خخخخخ لاتحسبونه اسمي فلان الفلاني خخخخ

استلمت السياره اول ماطلعت من باب الحجز اسمع صوت شي غريب بسيارتي نزلت واناظر ورا الصدام مايل

نص البويه ماهي بفيه

تمنيت اني ماعطيتهم المية ريال تكاليف الونش والله شوي وابكي من القهر

الشاهد تعامل بعض البشر ليش الناس يتعاملون بهالطريقه الي موب زينه ؟

هذا السؤال الي ماحصلتله اجابه

ไม่เจอกันนาน อยากไปเที่ยวกับเสา

จริงๆ เอาไว้โทรค่อยโทรไปหาดีก่า

آتحدآكـ آذآ فهمت شي خخخخ

المهم شف المقطع ذا

ودكـ تطلّع راسكـ من الدريشه خخخخ 

ابي اسألكـ عمرك شفت خبول مثل ذولا ؟؟؟

 بالله شرايك فيهم خخخخخخ